Sansir hava gjørt nýggju heimasíðurnar hjá Almannamálaráðnum og Heilsumálaráðnum. Við heimasíðunum hava ráðini fingið hvør sín sterka og álítandi samskiftispall, sum veitir dagførda kunning um viðkomandi evnir.
Stórur dentur er lagdur á at gera heimasíðurnar innbjóðandi, áhugaverdar og dynamiskar. Tað er lætt hjá teim vitjandi at finna runt á síðunum og fáa vitan um tey mongu øki, sum ráðini hvør sær vara av.
Fyri bæði aðalráðini er tað av stórum týdningi at geva teim vitjandi innlit í tær mongu verkætlanirnar, sum ráðini arbeiða við. Á framsíðuni er tað sostatt møguligt hjá bæði Heilsumálaráðnum og Almannamálaráðnum at gera inngangir til nýggjar verkætlanir og annað áhugavert.
Báðar loysnirnar eru bygdar á vælumtóktu heimasíðuskipanina Sansir.net. Við hesari standardskipan er tað skjótt og lætt at gera dagføringar á heimasíðunum, stovna nýggjar undirsíður og at leggja viðkomandi skjøl út.
Sansir ynskja Heilsumálaráðnum og Almannamálaráðnum til lukku við nýggju heimasíðunum.
Vitja heimasíðuna hjá Heilsumálaráðnum her.
Vitja heimasíðuna hjá Almannamálaráðnum her.
Les meira um heimasíðuskipanina Sansir.net her.
|